امتحان اللغه العربيه

السؤال الأول: التعبير

اكتب ما لايقل عن 650 سطر فى أحد الموضوعات التالية
- لم يجد الطفل غير الشارع ملجأ نظرا لحالة البلد المقندلة .. فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 999000 جنيه للطن.. اكتب ما يمليه عليك ضميرك على أن يبدأ موضوعك بعبارة "أنا باشتغل فى حديد عز"



السؤال الثانى: القصة

من قصة ' وعهد الله ما انت داخل الانتخابات' .. اقرأ القطعة وأجب عن الآتى:
ثم أتى إليه وضربه بالجزمة وقال: انت عايز تترشح فى الانتخابات "يامعفن" دانت عايز معجزة.. مشكفاية بتاكلوا لحمة ومستورين.. عايزين إيه تانى
1- ما هى اللحمة أو على الأقل حدد أقرب معنى خيالى لها


2- مرادف معجزة فى اللغة: هو
(تغيير وزارى - زيادة المرتبات - رغيف العيش)
اختار


3- لماذا ضربه الرجل بالجزمة وليس بالعصى مثلا
- أهو كسل .. لسة هيرفع العصاية
- عشان العصاية قلة قيمة برضه واحنا فى عصر الديمقراطية
- حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا



السؤال الثالث النصوص

أجب عن أحد النصين الآتيين من نص ( ماشربتش من نيلها)..اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى فى شوارعها وتشكى لها


- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص
المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص .
استخرج الاسم.. وبوسه من بُقـُّه ورجَّعُه تانى مكانه.



من نص (حين ميسرة)..أجب عنالآتى
اذكر اسم مصيبة واحدة محصلتش فى النص الأسود ده


-وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر . كمبيوتر إرهابى بقى




السؤال الرابع النحو

أعرب ما تحته خط.. لو مالقيتش القطعة أصلا .. اتصرف
كان ممدوح إسماعيل قاتلا .. ضع "إن" مكان "كان".. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة .. أعرب الجملة .. وارفع الضرائب أبوس إيدك !!